कोरोना अपडेट; थप ९४५ जनामा कोरोना संक्रमण, एकैदिन डिस्चार्ज हुनेको संख्या ५३६४

आगमनखबर संवाददाता

काठमाडौं। स्वास्थ्य मन्त्रालयले अद्यावधिक गरेको पछिल्लो २४ घण्टामा एक हजार ९४५ जनामा कोरोना संक्रमण पुष्टि भएको छ।
स्वास्थ्य मन्त्रालयका अनुसार १० हजार ३४० नमुना परीक्षण गर्दा ७४० महिला र १२०५ पुरुषमा संक्रमण पुष्टि भएको हो।

थप ९४५ जनामा कोरोना संक्रमण देखिएसङ्गै नेपालमा कुल संक्रमितको संख्या २ लाख १६ हजार ९६५ पुगेको छ। उनीहरुमध्ये एक हजार २९८ जनाको मृत्यु भएको छ भने एक लाख ९१ हजार २ जना संक्रमणमुक्त भएका छन्।
यस्तै पछिल्लो २४ घण्टामा मात्र ५३६४ जना संक्रमणमुक्त भएका छन् भने २२ कोरोना संक्रमितको मृत्यु भएको छ।

हाल देशभर २४ हजार ६६५ सक्रिय संक्रमित रहेका छन्। उनीहरुमध्ये १९ हजार १४ जना होम आइसोलेसनमा छन् भने ४०३ जनाको आईसीयू र ६३ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ।

• Categories
• #मुख्य समाचार
• #स्वास्थ