पहिरोले १० घण्टा देखि खोला थुनियो ,७० घरधुरी जोखिममा

आगमनखबर संवाददाता

गोरखाको धार्चे गाउँपालिकामा पहिरो जाँदा नौलीखोला थुनिएको छ । लापुस्थित मापुडाँडामा गएको पहिरोले शुक्रबार रातिदेखि खोला थुनिएको हो ।

डाँडा नै भासिएको र पहिरो जाने क्रम शनिबार बिहानसम्म पनि नरोकिए पछी १० घण्टा देखि थुनिएको खोला ताल बनेको छ।

पहिरो गएको क्षेत्रभन्दा तलपट्टि रहेका नौलीखोला, नयाँबस्तीदेखि झरनासम्मका स्थानीयलाई अहिले सुरक्षित ठाउँमा सारिसकिएको छ । करिब ७० घरधुरी जोखिममा छन् ।

खोलानजिकैको गाउँका स्थानीय सुरक्षित ठाउँमा सरिसकेको र जोखिममा रहेका अरू बस्ती पनि सर्ने क्रममा रहेको वडाध्यक्ष सूर्यमान गुरुङले बताए । ‘पहिरो जाँदा ठूलो ढुंगा खसेर खोलामा बसेछ, अनि पानीले निकास पाएन ताल झन्–झन् ठूलो हुँदै छ उनले भने ।

• Categories
• #सम -सामयिक