खोटाङमा पालिकाले गर्‍यो बिबिध कार्यक्रम - राहत देखी सम्मान

यज्ञ कुमार राई

खोटाङ दिप्रुङ चुईचुम्मा गाउँपालिकाले नागरिक सम्मान कार्यक्रम गरेको छ । ९१ वर्षीय जस बहादुर राई र ८५ वर्षीय चन्द्रकला थापा सम्मानित भएका छन ।

पालिकाले वडाको सबैभन्दा जेष्ठ नागरिक वडा नं. ५ निवासी ९१ वर्षीय जस बहादुर राई, र ८५ वर्षीय चन्द्रकला थापालाई

एक, एक, थान सिरक, एक, एक, थान डसना एक, एक थान बेडसिट, एक,एक, थान सिरानी, र एउटा, हर्लिस साथै एक, एक, वटा झुल दिएर समान गरेको हो।

त्यस्तै नागरिक सम्मान कार्यक्रम अन्तर्गत दिप्रुङ चुईचुम्मा गाउँपालिकाले प्रत्येक वडाका जेष्ठ नागरिक १ जना पुरुष र १ जना महिलालाई क्रमशः सम्मान गरिने गाउँपालिकाका उपाध्यक्ष सपना राईले बताउनुभयो ।

महिला कार्यक्रम अन्तरगत अपाङ्गा हरूलाई धुप बनाउने तालिम घरेलु सम्बन्धि ढाका सिलाई बुनाई काम सुत्केरी आमा र बच्चालाई मछर लाग्ङखुट्टेबाट वचन झुल वितरण साथै नागरिक समान दलित र अपंग्ङा विद्यार्थी हरूलाई पुस्तक बोक्ने झोला र महिला विद्यार्थी हरूको लागि पालिकामा रहेको प्रत्येक विद्यालयमा भलिबल वितरण कार्यक्रम गरिएको उपाध्यक्ष राईले बताउनुभयो ।

खोटाङको हलेसी तुवाचुङ नगरपालिकाले तीन वडाका एकल महिला तथा आमा समुहमा आवद्ध विपन्न महिलालाई बाख्रा र सुँगुरको पाठो वितरण गरेको छ । पालिकाका बडहरे, बाहुनीडाडा, र डिकुवाका ११० जना एकल महिला र आमा समुहमा आवद्ध विपन्न परिवारका महिलाहरूलाई एकल महिला कोषको १५ लाख बजेटबाट नगर उपप्रमुख बिमाला तिलुङ राईले वितरण गर्नुभएको हो ।

त्यसै वडा नं. ४ बडहरेका युबाहरुलाई खेलकुद सामाग्री र स्थानीयलाई कुटानिपिसानी मिल वितरण साथै ८० बर्ष भन्दा माथी उमेरका जेष्ठ नागरिक ४८ जनालाई सम्मान कार्यक्रम गरिएको पालिका उपप्रमुख बिमला तिलुङ राईले जानकारी गराउनुभयो ।