स्याङ्जा कालीगण्डकीमा गएको पहिरोले पुरिएर ४ जनाको मृत्यु

आगमनखबर संवाददाता

अविरल वर्षा सँगैको पहिरोले पुरिएर कालिगण्डकी गाउँपालिका ४ पहिरोले पुरिएर ३ जनाको मृत्यु भएको छ, १ जना बेपत्ता भएका छन् भने २ जनालाई घाइते अवस्थामा उद्दार गरिएको छ ।

पहिरोबाट मृत्यु हुनेमा ६५ वर्षीय इमान सिंह राना, ५० वर्षीय टीकाबहादुर थापा र ६० वर्षीय जीमान सिंह थापा रहनुभएको छ भने बेपत्ता हुनेमा ६० वर्षीय प्रेम चन्द्र पाण्डे रहेको वडा अध्यक्ष चक्रपाणी पाण्डेले जानकारी दिनुभयो । मृत्यु भएका राना साबिक कालिगण्डकी गाबिस अध्यक्ष रहनुभएको छ ।

पहिरोले वडा सदस्य ६८ वर्षीय होमनाथ पाण्डे र ५५ वर्षीय वीरबहादुर राना घाइते भएको वडा अध्यक्ष चक्रपाणी पाण्डेले जानकारी दिनुभयो । 

पहिरोले पुरेर घाइते दुबैको अवस्था गम्भीर रहेको छ भने घाइते दुबै जनालाई मिसन अस्पताल पाल्पामा उपचारको लागि लगिएको छ ।

यस्तै, खहरे खोलाले बाढी सँगै धार परिवर्तन गरेर चार घर जोखिममा पर्दा विस्थापित भएका छन् । ५५ वर्षीय वीर बहादुर रानाको आठ जना, देव बहादुर थापाको चार जना, बेपत्ता जिमान सिङ थापाको छ जना र तिलीसरा थापाको पाँच जनाको परिवारलाई पहिलो चरणमा छिमेकीको घरमा स्थानान्तरण गरेको गाउँपालिका अध्यक्ष खिमबहादुर थापाले जानकारी दिनुभयो ।

उहाँले पहिरो र खोलाले विस्थापितलाई एक दुई दिनमा विद्यालय वा टहरा बनाएर स्थानान्तरण गर्ने बताउनुभयो ।

• Categories
• #सम -सामयिक