काठमाडौँमा समस्यामा परेका खोटाङबासीलाई कांग्रेसले दियो राहत:- आगमनखबर संवाददाता

आगमनखबर संवाददाता

नेपाली कांग्रेस खोटाङले लकडाउनका कारण समस्यामा परेका खोटाङका मजदुर, विद्यार्थी र विरामीलाई काठमाडाैँ उपत्यकामा राहत वितरण गरेको छ।

हाल काठमाडौं, ललितपुर र भक्तपुरमा बसोबास गर्दै आएका १ हजार ३ सय परिवार खोटाङबासीलाई राहत दिइएको जनाइएको छ।

कांग्रेस खोटाङका सभापति नरेशकुमार श्रेष्ठको अगवाइमा काठमाडौंको जोरपाटी, कपन, बसुन्धरा बानेश्वर, ललितपुरको सातदोबाटो र भक्तपुरको गठ्ठाघरबाट राहत वितरण भएको थियो।

राहतमा प्रतिपरिवार १ बोरा चामल, १ केजी दाल, १ पोका नुन र ३ केजी तरकारी श्रेष्ठले जनाए।

कांग्रेस जनताको सुख दुःखमा सँगै हिँड्ने भएकाले उपत्यकामा भएका र कोरोनाको कहरमा परेका खोटाङका जनतालाई राहत दिइएको उनले बताए।

जोरपाटी केन्द्र बनाएर वितरण गरिएको राहत कार्यक्रममा कांग्रेस खोटाङका महासमिति सदस्य तथा बिपी अध्यायन प्रतिष्ठानको केन्द्रीय उपाध्यक्ष दिनेश राईको संयोजकमा, कांग्रेस खोटाङ प्रदेश ‘ख’ का सचिव गणेश थापा, कांग्रेस खोटाङ काठमाडौं सम्पर्क समितिका सचिव डिबी खडका र गोकर्णेश्वर नगरपालिका ६ का वडाध्यक्ष रमेश बरालको उपस्थिति थियो।

बानेश्वरमा खोटाङबाट प्रतिनिधित्व गर्ने सांसद हिरा गुरुङको नेतृत्वमा राहत वितरण भएको थियो। कार्यक्रममा कार्यक्रममा झापाबाट प्रतिनिधित्व गर्ने नेपाली कांग्रेसकी सांसद, महिन्द्रा लिम्बू, समाजसेवी टंक श्रेष्ठ, देवेन्द्र बस्नेत, गोपाल सैंजू, ममिन्द्र जोशीको सहभागिता थियो।

वसुन्धरा केन्द्र बनाएर वितरण गरेको कार्यक्रममा पूर्वपर्यटन राज्यमन्त्री सर्वधन राई, महाधिवेशन प्रतिनिधि जितेन्द्र ठकुरी, राहत वितरण कार्यको सचिवालयका संयोजक रोजन राई, संगठन विभाग प्रमुख समीर राई, आरपी आचार्यको सहभागिता थियो।

गठ्ठाघर केन्द्र बनाएर वितरण गरिएको कार्यक्रममा कांग्रेसका पूर्वमहासमिति सदस्य तथा पूर्व जिल्ला सचिव महेन्द्र कटुवाल, सम्पर्क समिति अध्यक्ष काशी आचार्य, तरूण दलका नेता अर्जुन बस्नेत, नेत्री कान्ता केसी, चिरञ्जीवी आचार्य र साना श्रेष्ठको सहभागिता थियो।

कपन केन्द्र बनाएर वितरण गरेको कार्यक्रमको संयोजन जिल्ला कार्यसमिति सदस्य, भक्तजंग राई र नेविसंघ पूर्वकेन्द्रीय सदस्य दुरेन राईले गरेका थिए।

सातदोबाटो केन्द्र बनाएर वितरण गरेको राहत कार्यक्रममा महाधिवेशन प्रतिनिधि डा राजकुमार राई, राजन दाहाल, उपेन्द्र पोखरेल र डिम्पल श्रेष्ठको सहभागिता थियो।

वितरित राहत सामग्री मध्य दाल, चामल नुनको व्यवस्था कांग्रेस खोटाङले गरेका थियो, तरकारीको व्यवस्थापन नेविसंघ खोटाङले गरेको थियो