बैंकिङ कसूर मुद्दाका फरार जबरा पक्राउ

आगमनखबर संवाददाता

काठमाडौं। बैंकिङ कसूर मुद्दाका फरार प्रतिवादी शिशिर शमशेर जबरा पक्राउ  परेका छन ।

ललितपुर, ललितपुर महानगरपालिका-१ कुपण्डोल बस्ने  ५० वर्षीय शिशिर शमशेर जबरालाई सोमबार प्रहरी प्रधान कार्यालय केन्द्रीय अनुसन्धान व्यूरो महाराजगंजबाट खटिएको प्रहरीले काठमाडौं बिजुलीबजारबाट पक्राउ गरेको हो ।

उच्च अदालत पाटनको २०७७ पुस २६ गतेको फैसलाले बैंकिङ कसूर मुद्दामा १० दिन कैद र ४५ लाख रुपैयाँ जरिवाना ठहर भएका उनी फरार भएका थिए ।

पर्याप्त मौज्दात रकम नभएको भन्ने जानी जानी झुक्यानमा पारी नविल बैंकमा जबराले आफ्नै नाममा रहेको खाताबाट भुक्तान हुने गरी पीडितलाई ४५ लाख रुपैंया बराबरको चेक काटी दिएकोमा बैंकिङ कसूरजन्य अपराध गरेको ठहर गरी अदालतले उक्त कैद तथा जरिवाना ठहर गरेको थियो ।

उनलाई फैसला कार्यान्वयनको लागि जिल्ला अदालत ललितपुरमा पेश गरिएको व्यूरोले जनाएको छ ।

• Categories
• #अपराध
• #अर्थतन्त्र