उज्वल थापाको स्वास्थ्य उपचारकालागि गरेको अपिल सोचेभन्दा बढी

आगमनखबर संवाददाता

काठमाडौं । विवेकशील नेपाली दलको संस्थापक अध्यक्ष तथा विवेकशील साझा पार्टीका पूर्व संयोजक उज्वल थापाको स्वास्थ्य उपचारका लागि परिवारको सहमतिमा उहाँका साथी तथा शुभचिन्तकहरूद्वारा झन्डै रु ५१ लाख रुपैयाँ आर्थिक सहयोग जुटेको छ । 

थापा करिब दुई हप्तादेखि कोरोना संक्रमित भई अस्पतालमा उपचार गराइरहेका र उनको अवस्था गम्भिर भएकाले चिकित्सकहरूको सल्लाहमा थापालाई अत्याधुनिक उपचार आवश्यक पर्ने देखिएपछि अत्याधुनिक उपचारको लागि ठुलो धनराशी खर्च लाग्ने भएकाले  शुभचिन्तकहरूद्वारा सहयोगको अपिल गरेका हुन ।

गोफन्डमीमा खोलिएको खातामा २५२३५ अमेरिकी डलर र  नेपालको बैंक खातामा करिब रु २६,५०,००० गरी ५१ लाख बढी रुपैयाँ जम्मा भइसकेको परिवारले उल्लेख गरेको छ ।

परिवारले सहयोग गर्ने सम्पूर्ण  शुभेच्छुक तथा आफन्तजनप्रति कृतज्ञता  व्यक्त गर्दै सद्भाव, सदिच्छा तथा प्रार्थनाको लागि आभार ब्यक्त गरेका छन ।

• Categories
• #अर्थतन्त्र
• #स्वास्थ