दाउन्नेमा यात्रुबहाक बस दुर्घटना: ३१ जना घाईते, ५ जनाको अवस्था गम्भिर

आगमनखबर संवाददाता

नवलपरासी । पूर्वी नवलपरासीको दाउन्नेमा शनिबार साँझ भएको यात्रु बहाक बस दुर्घटनामा परि ३१ जना घाईते भएका छन् । ५ जनाको अवस्था गम्भिर रहेको छ ।

जिल्ला प्रहरी कार्यालय नवलपरासी पूर्वका डिएसपी दीलिपकुमार गिरीले दिनुभएको जानकारी अनुसार पूर्वपश्चिम राजमार्ग अन्र्तगत दाउन्नेमा यात्रु बहाक बस अयिन्त्रित हुँदा सडकबाट अन्दाजी दुई सय मिटर तल खसेको हो । 

बुटवलबाट नारायणगढतर्फ आउदै गरेको ना ५ ख ७००० नम्बर बस दाउन्ने बजार देखि ५० मिटर पूर्व सडकबाट भिरमा खसेको गिरीले जानकारी दिनुभयो ।

घटना स्थलमा जिल्ला प्रहरी कार्यालयका एसपी प्रकाश मल्ल सहितको टोलि, दाउन्ने प्रहरी चौकी र इलाका प्रहरी कार्यालय दुम्कीबासको टोलिले उद्दार गरेको छ । 

• Categories
• #दुर्घटना