गुल्मीमा जीप दुर्घटना हुदा ५ जनाको घटनास्थलमै मृत्यु

आगमनखबर संवाददाता

गुल्मी। गुल्मीको इस्मा गाउपालिकाकाे दाेहाेलीमा जीप दुर्घटना हुँदा ५ जनाको घटनास्थलमै मृत्यु साथै २ को अवस्था गम्भीर रहेको छ ।

हुला गाउबाट तम्घास तर्फ आउँदै गरेकाे जीप शुक्रबार विहान इस्मा गाउपालिकाकाे दाेहाेलीमा बिहान ७; ३० बजे दुर्घटना भएको हो ।

दोहली गाविसको हुला गाउँबाट तम्घास तर्फ आउदै गरेको लु१ज ११६६ जिप दुर्घटना हुँदा ५ जनाको मृत्यु भएको स्थानीय बिष्णु सुनारले बताए ।

दुर्घटनामा परी मृत्यु हुनेमा इस्मा गाउँपालिका ४ हुलका ६५ वर्षीय डम्बर हितान, ३३ वर्षीय शिव दर्लामी, ३० वर्षीय बसन्त दर्लामी, ३३ वर्षीय धन बहादुर अछामी र मालिका गाउँपालिका ५ की ८० वर्षीया सुन्दरी थापा रहेको जिल्ला प्रहरी प्रमुख एसपी प्रवीण कुमार श्रेष्ठले जानकारी दिए।

घटनाबारे थप अनुसन्धान भइरहेको प्रहरीले जनाएको छ ।

• Categories
• #दुर्घटना