सुदूरपश्चिम प्रदेश सांसद थापा सडक दुर्घटनामा परी गम्भिर घाइते

हिम शाह

नेपाली कांग्रेसबाट अछाम जिल्लाको प्रतिनिधित्व गर्दै समानुपातिकबाट निर्वाचित सुदुरपश्चिम प्रदेश सांसद अम्बिका थापा सडक दुर्घटनामा परेर गम्भिर घाइते भएकी छन्।

धनगढी उप महानगरपालिका वडा नं ८ बुद्ध चोकमा मोटरसाइकल दुर्घटनामा परि प्रदेश सांसद थापा गम्भिर घाइते भएकी हुन्। बुद्धचोकबाट जुगेडातर्फ जाँदै गर्दा मोटरसाइकल सवार उनलाई पछाडिबाट अर्को मोटरसाइकलले ठक्कर दिएको थियो।

मोटरसाइकलको ठक्करबाट घाइते भएकी उनको उपचारका लागि धनगढीस्थित माया मेट्रो अस्पतालमा लगिएको थियो त्यहाँ उपचार सम्भव नभएपछि हेलिकोप्टरबाट काठमाडौं लैजाने तयारी भैरहेको छ।

उनको टाउकोमा गहिरो चोट लागेको छ । प्रदेश संसद थापा कांग्रेसबाट अछाम जिल्लाको प्रतिनिधित्व गर्दै समानुपातिकबाट निर्वाचित सांसद हुन्।

• Categories
• #दुर्घटना