आँधीखोला किनारमा बेबारिसे शव फेला

आगमनखबर संवाददाता

स्याङ्जा: गल्याङमा एक पुरुषको शव फेला परेको छ । खोलाको किनारमा अन्दाजी ५५/६० वर्षका देखिने उनको परिचय हालसम्म खुल्न नसकेको  प्रहरी नायब उपरीक्षक राजेन्द्र अधिकारीले जानकारी दिए ।

गल्याङ् नगरपालिका–४ स्थित आँधीखोला किनारमा शुक्रबार साँझ एक पुरुष शव फेला परेको प्रहरीले जनाएको छ । शवको प्रकृति हेर्दा दुई/तीन दिनअघिको जस्तो देखिने र शवलाई वालिङ प्राथमिक स्वास्थ्य केन्द्रमा राखिएको प्रहरी प्रवक्तासमेत रहेका अधिकारीले बताए ।

घटनाबारे प्रहरीले थप अनुसन्धान गरिरहेको जनाएको छ । बाढी, पहिरो र भेलसहितको उर्लेको आँधीखोलाले बगाउदै ल्याएर खोला किनारमा शव हुत्ताएको स्थानीयले देखेपछि प्रहरीलाई खबर गरेका थिए ।

• Categories
• #स्वास्थ