कर्णाली। कर्णाली प्रदेश सरकारका प्रवक्ता एवं आर्थिक मामिला तथा योजनामन्त्री विन्दमान विष्टले सुर्खेतका बाढीपीडित परिवारलाई रु तीन लाखका दरले आर्थिक सहयोग दिने सरकारले निर्णय गरेको बताउनुभएको छ ।
मन्त्रिपरिषद् बैठकले बुधबार गरेका निर्णय सार्वजनिक गर्दै प्रवक्ता विष्टले आज पत्रकार भेटघाटमार्फत विसं २०७१ का सुर्खेतका एक हजार ६२ बाढीपीडितलाई प्रदेश सरकारले चालु आव २०७८÷७९ मा प्रतिपरिवार रु तीन लाख उपलब्ध गराउने बताउनुभएको हो । रु तीन लाखका दरले प्रदेश सरकारले रु ३१ करोड ८६ लाख रकम बाढीपीडितलाई दिनु पर्नेछ ।
मन्त्रिपरिषद् बैठकबाट कर्णाली प्रदेशका विपन्न घरपरिवारको घर निर्माणका लागि भौतिक पूर्वाधार तथा सहरी विकास मन्त्रालयद्वारा पेश गरिएको ‘कर्णाली प्रदेश विपन्न घर निर्माण कार्यक्रम कार्यान्वयन कार्यविधि, २०७८’ का सम्बन्धमा स्वीकृत प्रदान गर्ने निर्णय गरिएको प्रवक्ता विष्टले बताउनुभयो । विपन्नहरूको घर निर्माणका लागि हुम्ला र डोल्पामा रु पाँच लाख र अन्य जिल्लामा रु चार लाखका दरले उपलब्ध गराइने उहाँको भनाइ थियो ।
“मुख्यमन्त्री तथा मन्त्रिपरिषद् कार्यालयद्वारा पेश गरिएको ‘प्रशासकीय कार्यविधि नियमित गर्ने ऐन, २०७५’ लाई संशोधन गर्न बनेको विधेयक कर्णाली प्रदेशसभा पेश गर्ने निर्णय गरिएको छ”, उहाँले भन्नुभयो, “आर्थिक मामिला तथा योजना मन्त्रालयले पेश गरेको ‘कर्णाली प्रदेश बेरुजु व्यवस्थापन सूचना प्रणाली’ कार्यान्वयनमा ल्याउने सम्बन्धमा स्वीकृत प्रदान गर्ने निर्णय बैठकले गरेको छ ।”
प्रवक्ता विष्टका अनुसार मन्त्रिपरिषद् बैठकले मुख्यमन्त्री जीवनबहादुर शाहीको सामाजिक सल्लाहकारमा डा नरेशविक्रम ढकाललाई नियुक्त गरेको छ । डा ढकाल गुर्भाकोट नगरपालिका–२ सुर्खेतका स्थायी निवासी हुनुहुन्छ ।
काठमाडौं । वैदेशिक रोजगारीमा जान नेपालीको नियती र बाध्यता दुवै हो। रोजगारी बन्दै गएको छ। २०४२ सालमा वैदेशिक रोजगारसम्बन्धी ऐनको व्यवस्था भएपछि बिदेसिनेको सङ्ख्या बढ्दै …
काठमाडौ । इजरायलबाट २५० जना नेपाली विद्यार्थीहरु आज नेपाल आउदै छन। इजरायलस्थित तेलअभीभ विमानस्थलमा रहेका नेपाली विद्यार्थीहरू नेपाल आउनका लागि विमान चढिसकेका छन् । उनीहरुलाई …
एजेन्सी ।यूक्रेनमा प्रति सेकेन्ड झन्डै एक बच्चा युद्धको कारण शरणार्थी बन्न थालेको संयुक्त राष्ट्र मानवीय संघसंगठनहरूले बुधबार जानकारी गराएका छन् । रूसी आक्रमण सुरु भएदेखि …
बतासले रेस्टुरेन्टलगायतका संरचना बजारनजिक र डाँडाको खाली भागमा बनाउन माग गरेको थियो पाल्पा । तानसेनको श्रीनगरडाँडा र रानीमहल क्षेत्र सञ्चालन तथा व्यवस्थापनबाट बतास समूह पछि …