भाग्यमानी आभुषण जो तीन कार्यकाल सभापति बने

केदार बस्नेत

नेपाली कांग्रेस खोटाङको सभापतिमा बिष्णु आभुषण राई निर्वाचित हुनुभएको छ।

जिल्लाको ७ औं सम्पन्न जिल्ला अधिवेशनबाट राईले पुर्व राज्यमन्त्री सर्वधन राईलाई ५९ मतले पराजित गरेको नेपाल विद्यार्थी संघ खोटाङकी उपाध्यक्ष गोमा राईले जानकारी दिनुभयो।आभुषणको ६६९ र पुर्व राज्यमन्त्री राईको ६१० मत आएको छ।

आभुषणको पदाधिकारीमा प्यानलनै विजयी भएको राईले बताउनुभयो।
कोको छ्न पदाधिकारीमा विजयी हुने?
उपसभापतिमा नेता द्वोय तिर्थराज भट्टराई र ईवन राई सचिवमा ज्ञानेन्द्र जोशी र समीर राई यस्तै सहसचिवमा सार्जन राई र सालिकराम बन्जरा विजयी भएको नेबिसंघका नेता पुष्पराज बस्नेतले जानकारी दिनुभयो।

अहिले विजयीको शुभकामना आदानप्रदान कार्यक्रम भैरहेको छ।उक्त कार्यक्रमलाई सम्बोधन गर्दै नवनिर्वाचित सभापति राईले आफुले खोटाङलाई अरु जिल्लाको कांग्रेसभन्दा बलियो बनाउने धारणा राख्नुभएको छ।उहाँले आफू सभापति पदमा यसअघि २ पटक विजयी भैसकेकाले आफुहरुको ध्यान सबैखाले निर्वाचनमा पार्टीलाई विजयी गराउन केन्द्रीत हुने प्रष्ट पार्नुभयो।

विजयी पदाधिकारी सबैले मतदान गर्न सहभागी सबै क्षेत्रीय प्रतिनिधिहरु नेता तथा कार्यकर्ताहरु सुरक्षा निकायका साथीहरू यस्तै पत्रकारहरुलाई धन्यवाद दिनुभएको कांग्रेस खोटाङले जनाएको छ।

केहिसमयपछि जिल्ला सदस्य तथा महाधिवेशन प्रतिनिधिहरुको मतगणना सुरुहुनेछ।

• Categories
• #मुख्य समाचार