संविधान दिवसको अबसरमा क्यानाडा प्रान्तीय संसद भवनमा नेपाली झण्डा फर्फराउदै एनआरएनए

आगमनखबर संवाददाता

क्यानाडा । गैरेआबशीय नेपाली संघ क्यानाडाले नेपालको ७ औं संविधान दिवसको अबसरमा ओन्टारियो प्रान्तीय संसद भवन क्वीन्स पार्कमा नेपाली झण्डा फर्फराएको छ ।

बिहीवार एक कार्यक्रम गरि एनआरएनए क्यानाडाका अध्यक्ष दिपक गौतम र उपाध्यक्ष संगिता जीसी लगायत क्यानाडाबासी नेपालीहरुले संसद भवन क्वीन्स पार्कमा नेपाली झण्डा उठाएका हुन । नेपाली र क्यानडाको राष्ट्रिय गानबाट सुरु गरिएको कार्यक्रममा क्यानाडा संसदका माननीय सभामुख टेड अर्नोटा, प्रान्तीय संसद मिसिसॉगाका सदस्य दीपक आनंद, संसद सदस्य पार्कडेल-हाई पार्क भुतिला कर्पोछे र एनआरएनए अध्यक्ष गौतमले कार्यक्रमलाई सम्बोधन गर्नुभएको थियो।

कार्यक्रमलाई सम्बोधन गर्दै सभामुख अर्नोटाले नेपालको इतिहासलाई पछ्याए र विश्वको इतिहासमा एक गैर-औपनिवेशिक देशको रूपमा नेपालको प्रशंसा गर्दै उनले भने, “म एक हिस्सा बन्न पाउँदा खुसी छु र क्यानाडामा रहेका सबै नेपालीहरुसँग खुशी साट्न चाहन्छु ।

त्यस्तै प्रान्तीय संसद मिसिसॉगाका सदस्य दीपक आनंदले क्यानाडामा रहेका सबै नेपालीहरुलाई आफ्नो परिवारको रुपमा लिएको बताउनुभयो । काठमाडौंमा जन्मेकी सांसद कर्पोछेले नेपाल र नेपाली सँग खुसी बाँड्न पाउँदा खुसी ब्यक्त गर्नुभयो ।

एनआरएनए अमेरिकाका युवा संयोजक बिमला सापकोटाले संचालन गरेको कार्यक्रममा क्यानाडाका लागि नेपाली राजदुत भृगु ढुंगानाको शुभकामना सन्देश कार्यक्रममा पढेर सुनाइएको थियो।

कार्यक्रममा एनआरएनए वर्तमान उपाध्यक्ष शैलेन्द्र चापागाईं, संगिता जीसी, सचिव राजेन्द्र पोखरेल, महिला संयोजक आरिता गुरुङ लगायत बिभिन्न संघ सस्थाका पदधिकारीहरु सामाजिक अभियान्ता सामजसेबी बुद्दीजिबीहरुको उपस्थिती रहेको थियो ।