इरानका नयाँ राष्ट्रपतिद्वारा प्रस्तावित मन्त्रीहरूको नाम संसद्मा पेस

आगमनखबर संवाददाता

इरान । इरानका नवनिर्वाचित राष्ट्रपति इब्राहिम रायसीले आफूले मन्त्रीमा नियुक्त गर्न लागेका व्यक्तिहरूको नामावली संसद्मा पेस गर्नुभएको छ ।

राष्ट्रपतिले मन्त्री बनाउन चाहेको प्रस्ताव नामावलीसहित संसद्मा पेस गरी पारित गर्नुपर्ने भएकाले उहाँले नामावलीसहितको प्रस्ताव बुधबार संसद्मा पेस गर्नुभएको हो ।  

उहाँले होसेन अमिर अब्दुल्लाहिनलाई देशको विदेश मन्त्री बनाउन प्रस्ताव गर्नुभएको छ । उहाँ यसअघि उपविदेश मन्त्री हुनुभएको थियो । त्यति बेला उहाँले अफ्रिकी मुलुक र अरबी मुलुकहरू तर्फ बढी केन्द्रित हुनुभएको थियो । 

त्यसैगरी जाभाद ओजीलाई राष्ट्रपति रायसीले पेट्रोलियम मन्त्री नियुक्त गर्न चाहेको प्रस्ताव संसद्समक्ष पेस गर्नुभएको छ । उहाँ यसअघि इरानको राष्ट्रिय ग्यास उद्योगको प्रमुख हुनुभएको थियो । 

संसद्मा प्रस्तावित मन्त्रीहरूको बारेमा जानकारी गराइने र त्यसमाथि छलफल भई मतदान मार्फत पारित गरिने अधिकारीहरूले जनाएका छन् ।  

नयाँ राष्ट्रपतिका रूपमा रायसीले भने यही अगस्त ५ तारिखका दिन संसद्समक्ष शपथ ग्रहण गर्दै जिम्मेबारी सम्हाल्नुभएको हो । 

• Categories
• #देश–विदेश