बाढीपहिरो प्रभावित क्षेत्रको निरीक्षण गर्दै पूर्वमन्त्री बाँस्कोटा

आगमनखबर संवाददाता

मनसुन प्रवेश भएसँगै अविरल वर्षाका कारण इन्द्रावती नदीमा बाढी आएपछि भएको क्षतिबारे पुर्वामन्त्रीसमेत रहेका एमालेका नेता गोकुल बास्कोटाले निरीक्षण गरेका छन् ।

बाढी प्रभावित क्षेत्रमा गएर उनले त्यहाँको अवस्थाको बारेमा जानकारी लिएका हुन् ।

निरिक्षणमा बागमती प्रदेशका उद्योग, पर्यटन, वन तथा वातावरण मन्त्री सरेश नेपाल, भुम्लु गाउँपालिका अध्यक्ष गुमानध्वज कुवँर सहभागी रहेका थिए ।

त्यस्तै काभ्रेपलाञ्चोकको भुम्लु गाउँपालिका–८ दोलालघाट पुरानो बजार क्षेत्रका ११ घर नदीको डुबानमा परेको छ । केही दिनदेखि परेको अविरल वर्षाका कारण इन्द्रावती र भोटेकोशी नदीमा आएको बाढीका कारण नदीमा पानीको बहाव बढेर ती घर डुबानमा परेको हो ।

घर डुबानमा परेपछि जनप्रतिनिधि, सशस्त्र प्रहरी र स्थानीय बासिन्दाको सहयोगमा डुबानमा परेका घरपरिवारलाई सुरक्षित स्थानमा सार्नुका साथै सामानसमेत निकालेर अन्यत्र सारिएको छ । डुबान क्षेत्रमा परेका बजार क्षेत्रको बिहीबार पूर्वसञ्चार तथा सूचना प्रविधिमन्त्री गोकुल बाँस्कोटा, वाग्मती प्रदेशसभा सदस्य लक्ष्मण लम्साल, गाउँपालिका अध्यक्ष गुमानध्यव कुँवर, उपाध्यक्ष कल्पना श्रेष्ठ र प्रमुख जिल्ला अधिकारी शिवराम पोखरेल नेतृत्वको टोलीले स्थलगत अनुगमन गरी डुबानबाट भएको भौतिक क्षतिको यकिन विवरण सङ्कलन गरी जिल्ला विपद् व्यवस्थापन समितिमा पेश गर्न आग्रह गरेको छ ।