कोरोना कहर: गैर आवासीय नेपाली संघ मलेशियाले गर्यो विभिन्न निकायसङ्ग सहयोगको अपील

आगमनखबर संवाददाता

मलेशिया । नेपालमा बढ्दै गईरहेको कोरोना महामारीलाई व्यवस्थापन गर्नको लागी गैर आवासीय नेपाली संघ मलेशियाले आर्थिक सहयोगको लागी अपिल गरेको छ।

गैर आवासीय नेपाली संघ मलेशियाका महासचिव हेमराज सापकोटाले सोमबार एक विज्ञप्ति जारी गर्दै आर्थिक सहयोगको लागी अपील गरेका हुन।

गैरआबासीय नेपाली संघ “विभिन्न देश” बाट नेपालमा पहिलो चरणमा अति आबश्यक परेको अक्सिजन र अक्सिजन सिलिन्डर खरिद गरेर नेपाल पठाउने अभियान शुरु भएको तथा नेपालमा आइपरेको यो बिषम परिस्थितिमा गैरआवासीय नेपाली संघ मलेशियाले पनि यस अभियानको सुरुवात गरि सहयोग गर्ने अभियानको सुरुवात गरिरहेको विज्ञप्तिमा उल्लेख छ।

मलेशियामा रहनु भएका आदरणीय दाजुभाइ तथा दिदीबहिनी हरु मा हार्दिक नमस्कार ! बिश्व मानव समुदाय लाई त्रसित बनाइराखेको Covid 19 को यस विषम परिस्थितिमा मलेशिया, नेपाल लगायत विश्वभरी रहनुहुने सम्पुर्णमा सचेत रहि आफ्नो र आफन्तजन हरुको स्वास्थ मा बिशेष ख्याल गर्नु हुन र सुरक्षित रहनुहुनको लागि हाम्रो संस्था को सिङ्गो टिमको तर्फ बाट हार्दिक अनुरोध गर्दछौं।” सापकोटाद्धारा जारी विज्ञप्तिमा भनिएको छ।

यस्तै नेपाली जनसम्पर्क समिति मलेसियाका सभापति चोला कान्त पंगेनीले मलेसियामा रहनुहुने सम्पूर्ण समाजसेबी, सहयोगी मनहरु, बिभिन्न्न संघ संस्था संगठनहरु मिलेर देशको अबस्थालाई थप सहयोगको लागि अपिल गर्नु भएको छ ।