संसद विघटनविरुद्धको मुद्धालाई कता लैजाने भन्नेमा अदालतभित्रै विवाद

आगमनखबर संवाददाता

प्रतिनिधि सभा विघटनविरुद्ध परेका रिटहरू माथिको सुनुवाइ बुधवार हेर्दाहेर्दैमा राखेर सकिएको छ । अर्को पेशी शुक्रवारका लागि तोकिएको छ ।

प्रतिनिधि सभाविरुद्धको मुद्धाको सुनुवाई संवैधानिक इजलासमा कि बृहत् पूर्ण इजलासमा सुनुवाइ गर्ने भन्ने विषयमा अल्झिँदै माघ दुई गते सम्मलाई मिति सारिएको हो ।

सर्वोच्चको संवैधानिक इजलासमा प्रतिनिधिसभा विघटनविरुद्ध परेका १३ वटा रिटको सुनुवाइ आज नसकिएपछि २ माघमा सुनुवाइ गरिने भएको हो ।

रिट निवेदक पक्षका वरिष्ठ अधिवक्ता तथा अधिवक्ताहरूले विगतको नजिर र गम्भीर संवैधानिक व्याख्या गर्नुपर्ने भन्दै प्रतिनिधि सभा विघटनविरुद्धका रिटहरूलाई वृहत् पूर्ण इजलासमा लैजानुपर्ने माग गरेका थिए ।

सरकारी पक्षले प्रतिनिधिसभा विघटनविरुद्धका रिट बृहत् पूर्ण इजलासमा लैजान असहमति जनाएको  छ । महान्यायाधिवक्ता अग्नि खरेलले बृहत् पूर्ण इजलासमा सुनुवाइ हुनुपर्ने प्रस्ताव मान्य नहुने बताएका हुन् ।

बुधवारको सुनुवाइका लागि गठन भएको संवैधानिक इजलासमा प्रधानन्यायाधीश चोलेन्द्र शमशेर जबराका अलावा न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी छन् ।

• Categories
• #मुख्य समाचार