अनेरास्ववियुले भन्यो , प्रधानमन्त्रीले माफी माग्नुपर्छ

आगमन खबर

काठमाडौँ । नेकपाको प्रचण्ड नेपाल पक्षको अनेरास्ववियुले प्रधानमन्त्री केपी शर्माले माफी माग्नु पर्ने बताएको  छ ।

प्रधानमन्त्री ओलीले बालुवाटारमा बोलाएर अन्तर्वार्ता दिएकै भोलिपल्ट भारतीय समाचार संस्था जी न्युजका प्रधान सम्पादक सुधीर चौधरीले सगरमाथा भारतको हुनपर्ने दावी गरेकोमा अनेरास्ववियुले आपत्ति जनाउदै मागी माग्नुपर्ने बताएको हो ।

अनेरास्ववियूका सहसंयोजक रञ्जित तामाङले जारी गरेको विज्ञप्तिमा भनिएको छ,  नेपालको राष्ट्रिय स्वाधीनता र नेपाली जनताको स्वाभिमानका विरुद्ध लगातार रुप/मा विषवमन गर्दै आएको जी न्युजलाई प्रधानमन्त्रीस्तरबाटै  बालुवाटारमा स्वागत गरिएको परिघटनाले  थप आशंकित र आक्रोशित तुल्याएको छ ।

‘संविधान लत्याएर  प्रतिगमनको बाटोमा हिँडेका प्रधानमन्त्री ओलीलाई सत्ता टिकाउने नाममा  राष्ट्रिय स्वाधीनता र स्वाभिमानमा गम्भीर आँच पुर्याउने ब्यक्ति र संस्थाहरुसंग रहस्यमय र अपारदर्शी भेटघाट र सांठगांठ  नगर्न चेतावनी दिन चाहन्छौं । यसका साथै प्रधानमन्त्री ओलीलाई चौधरीसँगको भेटवारे तत्काल जनतालाई स्पष्ट पार्न, आइन्दा त्यस्ता कुटनीतिक मर्यादा विपरितका भेटघाट  नगर्न र  यसअघि गरेको कुटनीतिक मर्यादा विपरितका भेटघाटबारे जनता समक्ष अविलम्ब माफी माग्न जोडदार माग गर्दछौं ।’, विज्ञप्तिमा भनिएको छ ।

• Categories
• #मुख्य समाचार