अमेरिकामा एकैदिन एक लाख बढी सङ्क्रमित पुष्टि

आगमनखबर संवाददाता

अमेरिका  । अमेरिकामा एकैदिनमा अहिलेसम्मकै सबैभन्दा बढी कोभिड–१९ का सङ्क्रमित पहिचान गरिएका छन् । बुधबार पछिल्लो चौबीस घण्टामा एक लाखभन्दा बढी सङ्क्रमितको पुष्टि भएको बीबीसीले जनाएको छ ।

अमेरिकास्थित जोन हप्कीन्स विश्वविद्यालयका अनुसार कोरोनाभाइरससँग सम्बन्धित पछिल्लो चौबीस घण्टामा एक हजार एक सय सङ्क्रमितको मृत्युको पुष्टि भएको छ । 

राष्ट्रपतिको लागि भएको मतदानपछिको गणनाले कोभिड–१९ संकट ओझेलमा परेको छ । अमेरिकामा हाल ५० हजार कोरोना सङ्क्रमित अस्पतालमा उपचारार्थ छन् । गत् अक्टोबर महिनाको अपेक्षा अस्पतालमा भर्ना हुने सङ्क्रमितमा ६४ प्रतिशतले वृद्धि भएको छ । 

पछिल्ला दिनहरुमा औसत मृत्यु दर समेत बढेको छ । यद्दपी महामारी सुरु भएको समय भन्दा मृतकको संख्यामा कमी देखिएको छ । अमेरिकामा हालसम्म करिब ९५ लाख ब्यक्ति कोभिड–१९ बाट सङ्क्रमित भएका छन् । दुई लाख ३३ हजारभन्दा बढीको मृत्यु भएको छ ।

• Categories
• #देश–विदेश