पछिल्लो २४ घण्टामा थप ९८० जना कोरोना संक्रमण

आगमनखबर संवाददाता

स्वास्थ्य तथा जनसंख्या मन्त्रालयले पछिल्लो २४ घण्टामा ९ सय ८० मा कोभिड १९ को संक्रमण भएको जनाएको छ ।

आइतवार नियमित ब्रिफिङका क्रममा मन्त्रालयका प्रवक्ता डा. जागेश्वर गौतमले १० हजार ३ सय ८२ पीसीआर परीक्षण गरिएको र त्यसमध्ये ९ सय ८० मा नयाँ संक्रमण देखिएको बताएका हुन् ।

यससँगै नेपालमा सक्रिय संक्रमितको संख्या १७ हजार २७ पुगेको छ ।

पछिल्लो २४ घण्टामा डिस्चार्ज हुनेको संख्या १८ सय १४ छ भने हालसम्म २८ हजार ९ सय ४१ संक्रमणमुक्त भएर डिस्चार्ज भएका छन् ।

यो संख्या ६३ प्रतिशत रहेको डा. गौतमले बताए ।

उनले काठमाडौँ उपत्यकामा ३ सय ५४ संक्रमित थपिएको जानकारी दिए । काठमाडौँ जिल्लामा २ सय ९०, भक्तपुरमा ३२ र ललितपुरमा ३२ जना संक्रमित थपिएका हुन् ।

• Categories
• #मुख्य समाचार