वीरगन्जमा थप १ कोरोना संक्रमित महिलाको मृत्यु

आगमनखबर संवाददाता

पर्साको वीरगन्जमा थप एक कोरोना संक्रमित महिलाको मृत्यु भएको छ । वीरगन्ज हेल्थ केयर अस्थायी कोरोना अस्पतालमा उपचार गराइरहेकी ४० वर्षीया महिलाको बुधबार दिउँसो मृत्यु भएको जिल्ला प्रशासन कार्यालय पर्साले जनाएको छ । 

वीरगन्जको रेशमकोठी निवासी ती महिलाको विगत ४ दिनदेखि एक निजी अस्पतालमा उपचार भइरहेकोमा मंगलबार उनको स्वाब परीक्षण गर्दा कोरोना संक्रमण पुष्टि भएको थियो । कोरोना पोजिटिभ देखिएपछि उनलाई कोरोना अस्पतालमा ल्याएको थियो । ती महिला अनियन्त्रित मधुमेह र निमोनियाबाट पीडित थिइन् ।

• Categories
• #मुख्य समाचार