क्यानडाबाट नेपाल फर्कन चाहने नेपालीहरुलाई राजदूतावास ओटावाको सुचना :- आगमनखबर संवाददाता

आगमनखबर संवाददाता

नेपाली राजदूतावास ओटावा क्यानडाले क्यानाडा बाट तत्काल नेपाल जानुपर्ने अवस्थामा रहनुभएका नेपालीहरुलाई तयारी अवस्थामा रहनका लागि सूचना जारी गरेको छ ।

नेपाल सरकारको निर्णय अनुसार कोरोना भाईरस अर्थात कोभिड -१९ को विश्वव्यापी संक्रमणको कारणबाट उत्पन्न असहज परिस्थितिमा स्वदेश फर्कनु पर्ने अवस्थामा रहेका नेपाली नागरिकलाई स्वदेश फर्काउन सहजीकरण गर्ने सम्वन्धी आदेश , २०७७ तथा कार्य योजना , २०७७ मा तोकिएको प्रावधान अनुसार नेपाल फर्कनका लागि राजदूतावासमा अनलाइन फारम भरेका हरुलाई नेपाल फर्काउने तयारी गरेको नेपाली राजदूतावास ओटावाको सुचनामा उल्लेख छ ।

उडान देहाय अनुसार हुनेछ :-

कतार एयरवेज Montreal – Pierre Eliott Trudeau International शुक्रवार , २६ जून २०२० Airport ( YUL )

आबस्यक कागजपत्र र नियमहरु:-

१. हवाई यात्राको लागि नेपाली राहदानी ( Passport ) अनिवार्य रुपमा साथमा हुनुपर्नेछ ।

२. यात्रुले PCR वा RDT Test Negative वा COVID – 19 को लक्षण नभएको स्वास्थ्यकर्मीबाट प्रमाणित गरेको सातदिन भित्रको प्रमाणपत्र साथै राख्नु पर्नेछ ।

३. यात्रुहरुले नेपाल पुगिसकेपछि नेपाल सरकारले तोकेअनुसार क्वारेन्टिनमा रहनुपर्नेछ ।

४. उडान सम्बन्धी विस्तृत जानकारी , हवाइ टिकटको दररेट तथा बुकिङ गर्न सम्पर्क गर्नुपर्ने एजेन्सी / व्यक्तिको नाम चाँडै नै उपलब्ध गराइने छ ।

५. यात्रु उपलब्धता तथा अन्य प्रतिकूल कारणबाट उडान तालिका परिवर्तन हुन सक्नेछ ।

६. विमानस्थलमा तथा उडानको अवधिमा अनिवार्य मास्कको प्रयोग गर्नुपर्ने छ ।

७. नेपाल फर्कने व्यक्तिले http://ccmc.gov.np मा रहेको फारम २ प्रति भरी नेपालको विमानस्थलमा बुझाउनु पर्नेछ ।