खाणद्वारा डाक्टर आक्रमणमा संलग्नलाई कडा कारवाही गर्न माग

आगमनखबर संवाददाता

काठमाडौं । नेपाल काङ्ग्रेस केन्द्रिय सदस्य बालकृष्ण खाणले नेपालगञ्जस्थित भेरी अस्पतालका डाक्टर र नर्सहरुमाथि आक्रमण हुनु निकै निन्दनीय कार्य भएकाले तत्काल छानविन गरी आक्रमणमा संलग्नमाथि कडा कारवाही गर्न माग गरेका छन ।

खाणले समाजिक सन्जाल मार्फत भनेका छन मुलुक अहिले कोभिड -१ ९ का कारण आक्रान्त भैरहेको अवस्थामा यो महामारी नियन्त्रण , न्यूनिकरण तथा उपचारका लागि चिकित्साकर्मी डाक्टर , नर्स , स्वास्थ्यसेवक , सुरक्षाकर्मीहरु ठूलो जोखिम लिएर अहोरात्र खट्नुभएको छ । म फ्रन्टलाईनमा खट्नुहुने उहाँहरुको अभूतपूर्व योगदानलाई हार्दिक सम्मान गर्दै स्वास्थ्यकर्मीमाथि भएको यो घटनाको तत्काल छानविन गरी आक्रमणमा संलग्नमाथि कडा कारवाही गर्न माग गर्दछु ।

उपचारका क्रममा एकजना संक्रमितको मृत्यु भएपछि बाँकेको भेरी अस्पतालमा बिहीबार राति चिकित्सकमाथि कुटपिट भएको थियो ।

• Categories
• #समाचार