नेपाललाई अझ बढी आर्थिक भार थपिएला जस्तो छ-नेता कार्की

केदार बस्नेत

काठमाण्डौ । नेपाली काङ्ग्रेस सोलुखुम्बुका नेता एवम नेपाल उद्योग वाणिज्य महासंघका केन्द्रिय सदस्य प्रकाश सिंह कार्कीले कोरोनाको दोस्रो लहरले नेपाललाई अझ बढी खतराको बाटो तिर लाने आकलन गर्नुभएको छ । कोरोना सङ्क्रमणले नै गर्दा देशमा आर्थिक भार थपिएको बताउनुभयो ।

नेपालमा कोरोना भित्रिएको एक बर्षमा कोभिड १९ को प्रभाव बिषयमा आफ्ना धारणा राख्दै काङ्ग्रेस नेता कार्कीले लाखौं लाख मजदुरको रोजिरोटी खोसिनु दु:खद भएको भन्दै उनीहरूको सरकारले तत्काल व्यवस्थापन गर्नुपर्ने बताउनु भयो ।

सरकारले कोरोनाको लहर एक वर्ष सम्म चली रहदा धेरै बोलेर थोरै काम गरेको समेत आरोप लगाउनु भयो । भ्रमण बर्ष २०२० मै यस्तो अवस्था आउदा पर्यटन, ट्राबल, ट्रेकिङ लगायत ब्यवसायहरु बन्द हुदा उधोगीहरु बैंकको ऋणमा चुर्लुम्म डुबेको प्रष्ट पार्नुभयो ।

आर्थिक क्षतिपूर्तिलाई सहज वातावरण भैसकेपछी पनि अझै पाँच बर्ष सम्म आर्थिक परिपुर्ति हुन नसक्ने दुख व्यक्त गर्नुभयो ।

पर्यटन ब्यवसायबाट उठने कर शुन्यमा आउनु र यस बर्षको बजेट मौन बस्नु दु:खद रहेको नेता कार्कीको गुनासो रहेको छ।नेपाललाई पुर्ववत अवस्थामा लान सबै सक्रिय रुपबाट लागि पर्न आग्रह गर्नुभयो । केन्द्रिय सदस्य कार्कीले राम्रो काम गर्नेलाई पुरस्कार र बिगार्न खोज्नेलाई दण्डको ब्यवस्था गर्ने पक्षमा आफू रहेको प्रष्ट पार्नुभयो ।