तोडियो कुसंस्कार, दलित र गैरदलितका लागि एउटै धारा

छापाबाट

जातिका आधारमा बनाइएका गाउँबस्तीका छुट्टाछुट्टै धारा भत्काएर एउटै बनाइएपछि सिमकोट गाउँपालिकाको ठेहे गाउँका दलित गैरदलितले एउटै धाराको पानी प्रयोग गर्न थालेका छन् । निकै विरोधबीच दलितका लागि निर्माण भएको धारा भत्काएर नयाँ धारा निर्माण गरिँदा दलित, गैरदलितले एउटै पधँेराको पानी प्रयोग गर्ने वातावरण बन्यो । यो क्रमसँगै बनेपछि तोडियो पानी बाराबारको युगौँ पुरानो कुुसंस्कार ।

सिमकोट गाउँपालिकाको ठेहे गाउँका जसबहादुर परियारले गाउँमा मानव बस्ती बसेसंँगै दलित समुदायका लागि छुट्टै बनेको धककारामा पानी भर्ने कामले छुटकारा मिलेको बताउनुुभयो । अन्य धारामा गैरदलितको डरले पनि दलितले आफ्नोबाहेक अन्य धारामा पानी पाउँदैनथे । आर्थिक वर्ष ०७६।७७ मा वडा कार्यालयले दलित र गैरदलितका लागि यसअघि बनेका छुट्टाछुट्टै धारालाई एकै ठाउँमा राखेर नयाँ चारवटा धारा निर्माण गरेसँगै यो सम्भव भएको हो ।

परियारले अहिले बनेका चारवटा धारामा बिना भेदभाव दलित समुदायले पानी भर्न पाएको बताउनुभयो । यसअघि दलितले छुट्टै बनेको धारामा पानी भर्नुपथ्र्यो । एउटामात्र धारा भएपछि दलितले लाइनमा बसेर पानी भर्नुपर्ने बाध्यता थियो ।

गैरदलितले पनि दलितका लागि निर्माण भएको धारामा पानी भर्ने चलन थिएन । मुख्यगरी गाउँमा अझै पनि छोइछिटो बार्ने चलनले यस्तो भएको हो । अहिले बनेका धारामा स्वतन्त्र रूपमा पानी भर्न पाएपछि परियारले बल्ल मानिस भएको अनुभव गरिएको बताउनुभयो । दलित र गैरदलित कुनै फरक नभएको र खाली सरसफाइमा ध्यान दिनु आवश्यक रहेको उहाँले बताउनुभयो ।

वडाध्यक्ष नरबहादुर भण्डारीले पुर्खौंदेखि गाउँमा दलित र गैरदलितको विभेद हटाउन २१ लाख रुपियाँ बजेटमा नयाँ र पक्की धारा निर्माण हुदा सबैले संँगै पानी भर्न पाएको बताउनुभयो । गोरखापत्र दैनिकमा खबर छ।