थुनुवा कैदीलाई कसरी लाग्यो कोरोना ??

आगमनखबर संवाददाता

स्याङ्जामा एक थुनुवा कैदीलाई कोरोना भाइरसको सङक्रमण पुष्टी भएको छ। जबरजस्ती करणी मुद्धामा बिगत ४ बर्षदेखि जिल्ला कारागार स्याङ्जामा रहेका बन्दी कैदीमा कोरोना पुष्टी भएको हो ।

कैदीलाई एक हप्ता देखि रुघाखोकी तथा ज्वरो देखिए पछि आइतबार पीसीआर टेष्टको लागि स्वाब संकलन लिई गरिएको परीक्षणमा कोरोना सङक्रमण भेटिएको हो।

जिल्लामा साउन १३ गतेदेखि निषेधाज्ञा जारी रहेको अबस्थामा कैदीलाई भेट्न आउने कुरै भएन , सुरक्षा प्रमुख सहित ४१ जना सुरक्षाकर्मीमा कोरोना संक्रमण भेटिएपछि भित्र बाहिर निश्कन बन्द छ, सुरक्षा समेत नेपाली सेनाले दिएको छ, कैदीको कोहि कसैसंग हेलमेल समेत नभएको अबस्थामा कसरी कोरोना संक्रमण देखियो अनौठो लागेको जेलर चुडा मणी भण्डारी बताउछन्।

सुरक्षाकर्मीमा कोरोनाा देखिएपछि कसैलाई पनि भित्र आउन नदिएको र भेट्न समेत नदिएको जेलर भण्डारीले बताए ।

कैदीमा सङक्रमण पुगेसगै स्याङ्जामा कोरोना सङक्रमितको संख्या ३०४ पुगेको छ भने १७२ जना निको भै सकेका छन् । जिल्लामा कोरोनाका कारण दुई जनाको निधन भएको छ ।

• Categories
• #मुख्य समाचार
• #स्वास्थ