टिपरको ठक्करबाट मोटरसाइकलमा सवार दाजुभाइको मृत्यु

आगमनखबर संवाददाता

काभ्रेको धुलिखेल नगरपालिका– २ रविओपीमा टिपरले मोटरसाइकललाई ठक्कर दिँदा मोटरसाइकलमा सवार दाजुभाइको मृत्यु भएको छ ।

बनेपाबाट रविओपी जाँदै गरेको बा.३६प ५०५२ नम्बरको मोटरसाइकललाई सोही दिशाबाट रविओपी जाँदै गरेको बा.४छ ६३८६ नम्बरको टिपरले ठक्कर दिँदा ५० वर्षीय वेदप्रसाद कोइराला र उनका दाजु ५५ वर्षीय गोवर्द्धन कोइरालाको घटनास्थलमै मृत्यु भएको हो ।

इलाका प्रहरी कार्यालय बनेपाका प्रहरी निरिक्षक योगेन्द्र तिमल्सिनाका अनुसार दुवैको शव बनेपाको शिर मेमोरियल अस्पतालमा राखिएको छ । ठक्कर दिने टिपरचालक फरार रहेको र खोजी भइरहेको उनले बताए । स्थानीयले लापरबाही गरी टिपर चलाउने चालकलाई कारबाहीको माग गरेका छन् ।

• Categories
• #पत्रपत्रिका