कोरोना विरुद्धको स्वास्थ्य सामग्री बोकेर गए नेता रविप्रकाश राई गृह जिल्ला खोटाङ

आगमनखबर संवाददाता

काठमाडौं । नेपाली कांग्रेस खोटाङका महासमिति सदस्य रवि प्रकाश राईले कोरोना भाईरस (कोभिड-१९) विरुद्धका अतिआवस्यक स्वास्थ्य सामग्री लिएर काठमाडौं देखी गृह जिल्ला खोटाङ गएका छन्।

महासमिति सदस्य राईको विशेष पहलमा स्वास्थ्य तथा राज्यमन्त्री उमेश श्रेष्ठले खोटाङ जिल्लाको निम्ति (कोभिड-१९) विरुद्धका करोडौं बराबरको अतिआवस्यक स्वास्थ्य सामग्री उपलब्ध गराए सँगै लिएर काठमाडौं देखी गृह जिल्ला खोटाङ गएका हुन ।

स्वास्थ्य मन्त्रालयबाट अक्सिजन सिलिन्डर (५० लिटर) २५ वटा र एन्टिजेन किट १०,००० पिस, पल्स Oxymeter ५० पिस, नाजल अक्सिजन ट्यूब १०० पिस गाउन सेट ७०० पिस, जुत्ता कभर ३०० जोडी, डेड बडि ब्याग ५० पिस, फेस शिल्ड ३०० पिस, सेनिटाइजर (१००० मिली) २० लिटर, एक्जामिनेसन लुज पन्जा ५०० जोडा, सर्जिकल मास्क ८००० पिस, एन-९५ मास्क ५०० पिस, सर्जिकल टोपी- ३०० पिस करिब एक करोड बराबरको स्वास्थ्य सामग्री उपलब्ध भएको सुचना तथा सञ्चार विभागका केन्द्रीय सदस्य नेपाली कांग्रेस खोटाङका युवा नेता विकल राईले जानकारी दिए ।

राइले खोटाङको लागि ठुलो मात्रामा स्वास्थ्य सामग्री उपलब्ध गराउनु भएकोमा स्वास्थ्यमन्त्री उमेश श्रेष्ठप्रति हार्दिक आभार व्यक्त गरेका छन।

उक्त स्वास्थ्य सामग्री ढुवानीका निम्ति नेपाल तरुण दल खोटाङका अध्यक्ष प्रभावसाली युवा नेता भिसन राईले ब्यबस्था मिलाउनु भएको थियो ।