जीप दुर्घटना हुँदा १ जनाको मृत्यु, ५ घाइते

आगमनखबर संवाददाता

मुगु । सोरु गाँउपालिका–८ तारापानीबाट सदरमुकाम गमगढी जादै गरेको ग३च ११८८ नम्बरको यात्रुबाहक जीप शनीबार दिउँसो १ बजे सोरु गाँउपालिका–८ को कोट भन्ने स्थानमा दुर्घटना हुदा जीपमा सवार एक महिलाको घटना स्थलमै मृत्यु भएको हो।

मृत्यु हुनेमा जीपमा सवार सोरु गाँउपालिका-७ निवासी ३० वर्षीया गिरीकला बुढा रहेको प्रहरीले जनाएको छ। घाइतेहरुमा सोरु गाँउपालिका–७ का २१ वर्षीय जीप चालक गोबिन्द्र बिष्ट, सोही वडाका २५ वर्षीय ललिजङ्ग बुढा, २८ वर्षीय ज्ञानबहादुर बुढा, रत्न बिक र छाँयानाथ रारा नगरपालिका—१ का ४८ वर्षीय कुलबहादुर मल्ल रहेको जिल्ला प्रहरी कार्यालयका प्रहरी निरीक्षक भिमदत्त जोशीले बताए।

• Categories
• #दुर्घटना