थप ९९ जनामा कोरोना पुष्टि, निको हुनेको दर ९८.५ प्रतिशत

आगमनखबर संवाददाता

२४ माघ, काठमाडौं । स्वास्थ्य मन्त्रालयले दिएको जानकारीअनुसार पछिल्लो २४ घन्टामा थप ९९ जनामा कोरोना संक्रमिण पुष्टि भएको छ ।

आज संक्रमित हुनेमा महिला ४२ र पुरुष ५७ जना रहेका छन् । आज थपिएका ९९ जनासँगै नेपालमा कोरोना संक्रमितको कूल संख्या २ लाख ७१ हजार ८०६ पुगेको छ ।

त्यस्तै आज देशैभरी २४८ जना कोरोना संक्रमणबाट मुक्त भएका छन् । आज निको भएका २४८ जनासँगै नेपालमा कोरोना संक्रमणबाट मुक्त हुनेको कुलसंख्या २ लाख ६७ हजार ८१२ पुगेको छ । निको हुनेको यो दर ९८.५ प्रतिशत हो ।

पछिल्लो २४ घण्टामा मृत्यु हुनेको संख्या शून्य रहेको छ । हालसम्म हालसम्म संक्रमणबाट ज्यान गुमाउनेको संख्या २०३५ रहेको स्वास्थ्य मन्त्रालयले जनाएको छ।

• Categories
• #स्वास्थ