अनावश्यक निषेधित क्षेत्र हटाउनुपर्ने मागगर्दै योथ काङ्ग्रेसद्वारा गृहमन्त्री खाणलाई ज्ञापनपत्र

आगमनखबर संवाददाता

काठमान्डौ ।योथ काङ्ग्रेसले नेपालको संस्थाले गृहमन्त्री बालकृष्ण खाणलाई काठमाडौं जिल्ला प्रशासनले लगाएको अनावश्यक निषेधित क्षेत्र हटाउनुपर्ने सन्दर्भमा ध्यानाकर्षण गर्दै ज्ञापनपत्र बुझाएको छ ।

बिहीवार बुझाएको ध्यानाकर्षणपत्रमा नेपाली जनताको दशकौंको संघर्ष र बलिदानीको नतिजा स्वरुप लोकतान्त्रिक गणतन्त्रको नयाँ संविधानले अभिव्यक्ति स्वतन्त्रतालाई सुनिश्चित गरेको छ । तर व्यवहारमा भने पूर्ववर्ती सरकारले त्यस्तो स्वतन्त्रता कुण्ठित गर्ने सिलसिलेवर प्रयास गरेको आरोप लगाइएको छ । 

पत्रमा माइतीघर मण्डलालगायतका सार्वजनिक ठाउँहरुमा जिल्ला प्रशासन कार्यालय मार्फत् अनिश्चितकालीन निषेधाज्ञा जारी गरिएको थियो ।  सम्मानित सर्वोच्च अदालतको अन्तरिम आदेशमार्फत् त्यस्तो निषेधाज्ञा फुकुवा भए पनि अहिलेसम्म पनि त्यस खालको निषेध व्यवहारतः कायम रहँदा शान्तिपूर्वक प्रदर्शन गर्न पाउने आम नागरिकको अधिकार कुण्ठित भइरहेको प्रस्ट परेको छ । 

त्यसैगरी बालुवाटारस्थित प्रधानमन्त्री निवास अगाडिको निषेधित क्षेत्र पनि अवैध रुपमा बढाउँदै भाटभटेनी चोक नजिकैसम्म पुयाइएको छ । 

पूर्ववर्ती सरकारको तानाशाही यात्रामा सम्मानित सर्वोच्च अदालतले अंकुश लगाएर नयाँ सरकार बनेको अवस्थामा अभिव्यक्ति स्वतन्त्रता कुण्ठित गर्न यस अगाडि चालिएका उल्लिखित निषेधाज्ञा लगायतका सबै कदमहरु फिर्ता गर्दै नयाँ सरकार लोकतन्त्र र नागरिक अधिकारको संरक्षक बनेको सन्देश समेत दिन माग गर्दै ज्ञापनपत्र हस्तान्तरण गरेका हो ।  

माइतीघर मण्डला लगायत काठमाडौंका कयौं स्थानमा विषयलाई गम्भीरतापूर्वक लिई तत्कालै आवश्यक कदम चाल्न माननीय गृहमन्त्रीज्युले गृह सचिवलाई निर्देशन दिनुभएको खाणका सहयोगी दिपेन्द्र पोख्रेलले जानकारी दिनुभयो ।

• Categories
• #मुख्य समाचार