पछिल्लो २४ घण्टामा थप १३ सय ५३ जनामा कोरोना संक्रमण, २२ को मृत्‍यु

आगमनखबर संवाददाता

काठमाडौँ । पछिल्लो २४ घण्टामा शनिबार नेपालमा थप १३ सय ५३ जनामा कोरोना संक्रमण र २२ जना मृतक थपिएका छन् ।

योसँगै नेपालमा कोरोना संक्रमितको संख्या ६ लाख ५४ हजार २ सय १२ पुगेको स्वास्थ्य तथा जनसंख्या मन्त्रालयले जनाएको छ । 

यस्तै, २४ घन्टामा १४ सय ३२ जना संक्रमित निको भएका छन् । योसँगै संक्रमणमुक्त हुनेको कूल संख्या ६ लाख १८ हजार ३ सय ६१ पुगेको छ । 

कोरोनाबाट नेपालमा हालसम्म ९ हजार ३ सय ६२ जनाको मृत्यु भइसकेको छ ।

देशभर सक्रिय संक्रमितको संख्या २६ हजार ४ सय ८९ रहेको मन्त्रालयले जनाएको छ । ३०८ जना क्‍वारेन्टाइनमा रहेको मन्त्रालयले जनाएको छ ।

पछिल्लो २४ घण्टामा परीक्षण ६ हजार ५३० जनामा परीक्षण गरिएको थियो । शनिबारसम्म नेपालमा ३४ लाख ९९ हजार ४० पीसीआर परीक्षण भएको छ ।

• Categories
• #मुख्य समाचार