उपत्यकामा माइक्रो बस र टेम्पो चलाउन दिने तयारी

आगमनखबर संवाददाता

काठमाडौं। काठमाडौं उपत्यकाका तीन जिल्लाका प्रमुख जिल्ला अधिकारीहरुको बैठक आज दिउँसो ३ बजे बस्ने भएको छ । 

जिल्ला प्रशासन कार्यालय भक्तपुरका प्रमुख जिल्ला अधिकारी प्रेमप्रसाद भटटराईले आज बस्ने बैठकले जारी निषेधाज्ञाको बारेमा समिक्षा गर्दै केही थप निर्णय गर्ने र सार्वजनिक यातायात जोरविजोर नियम हटाउने वा नहटाउने भन्ने विषयमा छलफल गरी निर्णय गरिने जानकारी दिनुभयो  । 

यस अघिको बैठकले २५ सिटभन्दा माथिका गाडी चलाउन दिइएकोमा अव थपिने निषेधाज्ञामा माइक्रो बस र टेम्पोलाई पनि सञ्चालन गर्न दिने विषयमा निर्णय आउन सक्ने उहाँले बताउनुभयो । 

पछिल्लोपटक थप गरिएको निषेधाज्ञाको अवधि सोमबार राती १२ पछि सकिने हुँदा निषेधाज्ञा एक हप्ता थप गर्ने तयारी समेत भएको उहाले बताउनुभयो । 

• Categories
• #मुख्य समाचार