संसद विघटनविरुद्ध सडक आन्दोलनमा उत्रने विपक्षी गठबन्धनको तयारी

आगमनखबर संवाददाता

काठमाडौं । सरकारभन्दा बाहिर रहेका राजनीतिक दलहरुले संसद विघटनविरुद्ध सडक संघर्षमा उत्रने निर्णय गरेका छन।

बुधबार साँझ काँग्रेस सभापति शेरबहादुर देउवाको निवास बुढानिलकण्ठमा बसेको गठबन्धनको बैठकले यस्तो निर्णय गरेको हो।

हिजोको बैठकमा काँग्रेस सभापति देउवा, माओवादी केन्द्रका अध्यक्ष पुष्पकमल दाहाल, एमालेका वरिष्ठ नेता माधव नेपाल, जसपाका अध्यक्ष उपेन्द्र यादव, राष्ट्रिय जनमोर्चाकी उपाध्यक्ष दुर्गा पौडेल लगायतका नेताहरू उपस्थित थिए ।

कोरोना संक्रमण घट्दै गएकाले सामाजिक दुरी कायम गर्दै विरोधका कार्यक्रम अगाडि बढाउने गठबन्धनले निष्कर्ष निकालेको एक नेताले जानकारी दिए।

• Categories
• #मुख्य समाचार