ओली र देउवासङ्गको पालैपालो भेटपछि जसपाका नेता रिसोर्टमा

आगमनखबर संवाददाता

काठमाडौं । मुलुकमा नयाँ सरकार बनाउनको लागी यतिबेला राजनितीक दलका नेताहरुको भेटघाट तिव्र रुपमा अगाडि बढिरहेको छ।

त्यस्तै नयाँ सरकार गठबन्धनको पक्षमा नदेखिएको जसपा पनि भेटघाटमा निकै व्यस्त रहेको छ। आज मात्र जसपाका नेताहरुले प्रतिपक्षी दल नेपाली काङ्ग्रेसका सभापति शेरबहादुर देउवा र नेकपा एमालेका अध्यक्ष तथा प्रधानमन्त्री केपि शर्मा ओलीसङ्ग भेटवार्ता गरेका छन।

काङ्ग्रेस र एमालेका ति दुई नेताहरुसङ्ग भेटेपछि जसपाको महन्थ ठाकुर र राजेन्द्र महतो पक्षले सांसदलाई रिसोर्टमा राखेका छन ।

बुढानिलकण्ठमा देउवालाई भेटेर बालुवाटारमा ओलीसँग भेटवार्ता गरेका ठाकुर र महतोले तत्कालीन राजपाको पार्टी कार्यालय बबरमहलमा भेला गराएर सांसदहरुलाई भक्तपुर लगेको पाईएको छ, अहिले रिसोर्टमा अनुसार१३ जना सांसद मात्र रहेको स्रोतले जनाएको छ।

केपि ओली सरकारले नै निरन्तरता पाउला या अर्को दलको सरकार आउला भन्ने कुराको लागी यतिबेला जसपा निर्णायक मोडमा छ।

• Categories
• #मुख्य समाचार