बालुवाटारमा स्वास्थ्य मापदण्ड लागु हुँदैन ?

आगमनखबर संवाददाता

काठमाडौँ । कोरोना महामारी बढेको भन्दै  सरकारले सोमबार केहि स्वास्थ्य मापदण्डहरु तय गर्यो । प्रधानमन्त्रीमेत  रहेका केपी शर्मा ओलीले आफ्नै नेतृत्वमा जारि गरेको आदेशलाई आफैंले उल्लङ्घन गरे ।

सोमबार केपी शर्मा ओलीको अध्यक्षतामा बसेको मन्त्रीपरिषदको बैठकले कोरोना माहामारिलाई मध्यनजर गर्दै २५ जनाभन्दा बढी मानिसको जमघट गर्न नपाइने स्वास्थ्य मापदण्ड बनाएको थियो । तर  नियम बनाएको २४ घण्टा पनि नपुग्दै मङ्गलबार बिहानै बालुवाटारमा तामझामका साथ २५ भन्दा बढी मानिसको उपस्थितिमा ‘श्री सीताराम शोभा रथयात्रा स्थापना समारोह’ को आयोजना गरियो । यसरि सरकारी नियमको ठाडो उल्लङ्घन गरियो ।

आज बालुवाटारमा गरिएको कार्यक्रममा प्रधानमन्त्री ओली, पत्नी राधिका शाक्य, एमाले संसदीय दलका उपनेता सुवासचन्द्र नेम्वाङ र पर्यटनमन्त्री भानुभक्त ढकाल लगायतको उपस्थिति थियो ।

मन्त्रीपरिषदको बैठकले जारि गरेको आदेशको ६ नम्बर बुँदामा भनिएको छ, ‘मेला, महोत्सव, जात्रा, पर्व, विवाह, न्वारान, पास्नी, व्रतबन्ध, धार्मिक अनुष्ठान, मलामी लगायतका अत्यावश्यक परम्परागत धार्मिक तथा सांस्कृतिक क्रियाकलापहरू सञ्चालन गर्दा २५ जनाभन्दा बढी नहुने ।

देशको अभिभावकले नै यसरी सरकारी नियमको ठाडो उल्लङ्घन गर्दा के कारवाही होला भन्ने प्रश्नले यतिबेला बजार तातेको छ ।

• Categories
• #मुख्य समाचार