पल्सर मोटरसाईकल चोर्ने तिन जना पक्राउ

आगमनखबर संवाददाता

काठमाडौं । काठमाडौँको तारकेश्वर नगरपालिका–६ स्थित पैयुँटारबाट  मोटरसाईकल चोरेको आरोपमा ३ जना पक्राउ परेका छन् । उनीहरुलाई ट्राफिक प्रहरी महाशाखाको टोलीले पक्राउ गरेको हो ।

कोको छन् पक्राउ पर्नेमा ?

महानगरीय ट्राफिक प्रहरी महाशाखाका अनुसार पक्राउ पर्नेमा नुवाकोट घर भएका २० वर्षीय नमराज अधिकारी, २२ वर्षीय रामचन्द्र अधिकारी र १९ वर्षीय रामचन्द्र थापा रहेका छन् ।

तिन जनाले मोटरसाईकल चोरेपछि वास्तविक नम्बर परिवर्तन गरेर उनीहरुले नयाँ नम्बर प्लेट राखेर सो मोटरसाईकल चढेर हिँडेका थिए ।

घटनाबारे थप अनुसन्धान भईरहेको प्रहरीले जनाएको छ ।

उनीहरुले चैत २७ मा बा.९५प ३३३५ नम्बरको पल्सर मोटरसाईकल चोरेका थिए ।

• Categories
• #मुख्य समाचार