रुपन्देहीमा कोरोना संक्रमणबाट एक वृद्धाको मृत्यु

आगमनखबर संवाददाता

रुपन्देहीमा बिहीवार बिहान कोरोना संक्रमणबाट एक जनाको मृत्यु भएको छ ।

बुटवलस्थित लुम्बिनी प्रादेशिक अस्पतालको आइसोलेसनमा रुपन्देहीको सैनामैना नगरपालिका वडा नम्बर ११ की ७७ वर्षीया महिलाको संक्रमणबाट मृत्यु भएको कोभिड फोकल पर्सन डा. सुदर्शन थापाले जानकारी दिए ।

बुधवार साँझ ७ बजे अस्पताल ल्याइएकी ती महिलाको इमर्जेन्सी एक्स्पर्ट टेस्टबाट पीसीआर परीक्षण गर्दा संक्रमण पुष्टि भएको थियो । 

कोरोना विशेष अस्पतालमा बेड र भेन्टिलेटर दुवै खाली नभएर प्रादेशिक अस्पतालकै आइसोलेसनमा राखी उपचार गरिएकामा बिहीवार बिहान साढे ४ बजे मृत्यु भएको डा. सुदर्शन थापाले बताए ।

खोकी, ज्वरो र र श्वासप्रश्वासमा समस्या भएकी उनलाई अक्सिजन दिई उपचार गरिएको र श्वास लिन नसकेपछि मृत्यु भएको डा. थापाले जनाए ।

• Categories
• #मुख्य समाचार