पछिल्लो २४ घण्टामा कोरोना संक्रमणका कारण ११ जनाको मृत्यु

आगमनखबर संवाददाता

स्वास्थ्य तथा जनसंख्या मन्त्रालयले पछिल्लो २४ घण्टामा ११ जनाको कोरोनाका कारण मृत्यु भएको जनाएको छ ।

बुधवार नियमित प्रेस ब्रिफिङका क्रममा मन्त्रालयका प्रवक्ता डा. जागेश्वर गौतमले पछिल्लो २४ घण्टामा ११ जनाको कोरोनाका कारण मृत्यु भएको बताएका हुन् ।

यससँगै नेपालमा कोरोनाका कारण हालसम्म मृत्यु हुनेको संख्या १ सय ७५ पुगेको छ ।

मृत्यु हुनेमा मोरङकी ४६ वर्षीया महिला, भक्तपुरकी ५३ वर्षीया महिला, कैलालीका २५ र ५० वर्षीय २ पुरुष, महोत्तरीका ६०, ७२ र ७५ वर्षका ३ पुरुष, बाँकीका ३७ वर्षीय पुरुष, काठमाडौँका ५१ वर्षीय पुरुष र बाराका ४१ र ४६ वर्षका दुई पुरुष रहेका छन् ।

• Categories
• #मुख्य समाचार