पछिल्लो २४ घण्टामा कोरोना भाइरस संक्रमण बाट थप ९ जनाको मृत्यु

आगमनखबर संवाददाता

पछिल्लो २४ घण्टामा देशभर थप ९ जनाको कोरोना भाइरस संक्रमण बाट मृत्‍यु भएको छ ।

मृत्‍यु  हुनेमा सुनसरीमा ६ वर्षीया बालिका र ६७ वर्षीय पुरुष, पर्सामा ६१, ५८, ४८ वर्षीय पुरुष, बारामा ५८ वर्षीय पुरुष, सिराहामा ६८ वर्षीय पुरुष, मकवानपुरमा ५६ वर्षीय पुरुष र भक्तपुरमा ७३ वर्षीय पुरुषको मृत्यु भएको प्रवक्ता गौतमले बताए । 

यससँगै कोरोनाले मृत्यु हुनेको संख्या १४६ पुगेको छ । नेपालमा कोरोनाको मृत्युदर ०.५% रहेको जनाइएको छ ।

देशभर हाल सक्रिय संक्रमित १२ हजार ६२१ रहेका छन् । जसमध्ये संस्थागत आइसोलेसन ८ हजार ७०५ जना र होम आइसोलेसनमा ३ हजार ९१६ संक्रमित रहेका जनाइएको छ ।

हालसम्म भएका संक्रमितमध्ये १८ हजार ३५० जना निको भएका प्रवक्ता गौतमले बताए । निको हुने दर ५९% रहेको जनाइएको छ ।

• Categories
• #मुख्य समाचार