आज ३ सय घरपरिवारलाई राहत

केदार बस्नेत

काठमाण्डौ।नेपाली कांग्रेस सोलुखुम्बु काठमाण्डौ सम्पर्क समितिले राहत वितरण गरि रहेको छ।दोस्रो भेरियन्टको कोरोना भाईरस बाट जनता कसरी सुरक्षित रहने भन्ने सन्देश दिदै आज ३ सय घरपरिवारलाई राहत वितरण गरेको सभापति गोकर्ण बस्नेतले जानकारी दिनु भयो।राहत कार्यक्रममा नेपाली कांग्रेसका केन्द्रिय सदस्य तथा पुर्वमन्त्री बल बहादुर केसीले जनताको सुख दुखको सहयात्री नेपाली कांग्रेस मात्र भएको बताउनु भयो।उहाँले कम्युनिस्ट सरकारले जनताको स्वास्थ्यमा चासो नदेखाएकाले कुर्सीको लोभमा नफस्न आग्रह गर्नु भयो। यस्तै नेपाली कांग्रेस सोलुखुम्बुका सभापति विनोद कुमार बस्नेतले आफुहरु सधै जनता सँगै रहने बताउनु भएको छ।

राहत वितरण कार्यक्रममा नेपाली कांग्रेस सोलुखुम्बुका महासमिति सदस्य खिलराज बस्नेत जिल्ला सचिव भलाकाजी कुलुङ नेताहरु प्रकाश सिंह कार्की राम बहादुर बस्नेत हुतराज बस्नेत आङछिरिङ शेर्पा र वेदप्रसाद वन सम्पर्क समितिका सभापति गोकर्ण बस्नेत जिल्ला सदस्य द्वोय ढल बहादुर मगर र युवराज घिमिरे नेपाल तरुण दल सोलुखुम्बुका अध्यक्ष अशोक झा सम्पर्क समितिका कोषाध्यक्ष नविन कार्की सचिव टार्जन कुलुङ लगाएत अन्य पदाधिकारीहरुको उपस्थिति रहेकोे सम्पर्क समितिले जनाएको छ।पर्यटन व्यवसायी एवं कांग्रेसका नेता आङछिरिङ शेर्पाको सहयोग तथा सम्पर्क समितिको समन्वयमा राहत वितरण गरिएको हो।

काठमाण्डौमा अस्थायी बसोबास गर्ने ज्यालादारी मजदुर गर्ने विद्यार्थी तथा मजदुरहरुलाई राहत वितरण गरिएको हो।