संविधानले स्वच्छ र स्वस्थ वातावरणमा बाँच्न पाउने मौलिक अधिकारको ग्यारेन्टी गरेको छ: देउवा

आगमनखबर संवाददाता

काठमाडौं । प्रधानमन्त्री शेरबहादुर देउवाले न्यूनतम कार्बन उत्सर्जनसहित वातावरणमैत्री विकास पद्धति अपनाएर लचिलो विकासमा जोड दिनुभएको छ।

विश्व बासस्थान दिवसको अवसरमा आज शुभकामना सन्देश दिँदै प्रधानमन्त्री देउवाले भवन र पूर्वाधार निर्माण, सवारी साधनको व्यवस्थापन र अन्य विकास गतिविधिहरुमा दिगो शहरीकरण र दिगो विकास लक्ष्यलाई ध्यानमा राख्नुपर्ने बताउनुभयो।

देउवाले यो विश्वास पनि व्यक्तगर्नुभयो कि राम्रो तरिकाले व्यवस्थित शहरीकरण र शहरी भौतिक वातावरण र शहरी क्षेत्रहरुको समुचित ब्यबस्थापनले कार्बन उत्सर्जन घटाएर जलवायु परिवर्तनमा पेरिस सम्झौताको अनुरूप ग्लोबल वार्मिंगलाई कायम राख्न मद्दत गर्दछ।

प्रधानमन्त्रीले देउवाले भन्नुभयो नेपालको संविधानले स्वच्छ र स्वस्थ वातावरणमा बाँच्न पाउने नागरिकको मौलिक अधिकारको ग्यारेन्टी गरेको छ। वर्तमान सरकार स्वच्छ शहरी वातावरण सम्बन्धी राष्ट्रिय र अन्तर्राष्ट्रिय प्रतिज्ञाहरुलाई आन्तरिक बनाउन र कार्यान्वयन गर्न प्रतिबद्ध छ।

• Categories
• #मुख्य समाचार