भक्तपुरको ऐतिहासिक बिस्का जात्रा प्रारम्भ

आगमनखबर संवाददाता

काठमाडौँ। चैत्र २७ देखि वैशाख ५ गतेसम्म धूमधाम मनाइने भक्तपुरको प्रसिद्ध सांस्कृतिक एवम् ऐतिहासिक बिस्का (बिस्केट) जात्रा सुरु भएको छ । सोमबार बिहान भैरवको पूजासँगै सुरु भएको जात्रामा सहभागीहरूले साँझ भैरवको रथ तानेर जात्रा सुरु गरेका छन्।

बिस्का जात्राको पहिलो दिन तौमढीस्थित पाँचतले मन्दिर प्राङ्गणबाट थने (माथिल्लो) र क्वने (तल्लो) टोलमा काठै–काठले प्यागोडाशैलीमा निर्माण गरिएको तीनतल्ले भैरवनाथको रथमा भैरवनाथ मूल देवता र बेताल देवतालाई विराजमान गराई पूजा गरिएको थियो ।

बिस्केट जात्राको अन्तिम दिन वैशाख ५ गते भैरवनाथ र भद्रकालीको रथ तानेर जात्रा समापन गरिन्छ ।

• Categories
• #मुख्य समाचार
• #सम -सामयिक