अपाङ्गता बिपन्न परिवारलाई कांग्रेस नेता आङ्देम्बे र मलेसियामा रहका केसीपरिवारद्वारा राहत

आगमनखबर संवाददाता

फिदिम । कांग्रेस नेता सह-महामन्त्री भिष्मराज आङ्देम्बे र ब्यापारको शिलशिलामा मलेसिया रहेका चौबिसे गाउँपालिका १ धनकुटाका नवदम्पती टंक केसी र सिला केसीले पाँचथर फाल्गुनन्द गाँउपालिका २ इम्बुङका अपाङ्गता दुई बिपन्न परिवारलाई राहत उपलब्ध गराएका छन् ।

जनसेवा समाज पाँचथरको संयोजनमा काँग्रेस नेता केन्द्रीय सह-महामन्त्री भिष्मराज आङ्देम्ब मार्फत फाल्गुनन्द गाँउपालिका २ इम्बुङ पाँचथरका दुई अपाङ्गता बिपन्न परिवारलाई राहत उपलब्ध गराएको जनसेवा समाज पाँचथरका अध्यक्ष राजेन्द्र अधिकारीले जानकारी दिए ।

केसी विगत लामो समय देखि मलेसियामा आफ्नै व्यावसायिक रुपमा काम गर्दै आएका उनले मलेसियामा नै बिबाह गरेका उनले वैवाहिक जीवनको खुसीयालिमा अती विपन्न र अपाङ्गहरुलाई आफुले सकेको आर्थिक सहयोग गरेको बताए ।

गत फागुन २१ गते इम्बुङमा एक कार्यक्रमको आयोजना गरी पाँचथर फाल्गुनन्द गाँउपालिका २ इम्बुङका निवासी जनहासिंह नेम्बाङ र धिरेन्द्र तामाङको परिवारलाई ओढ्ने ओछ्याउने, लगाँउने कपडा, स्टेशनरी र खाद्यान्न सामग्री वितरण गरेको हो ।

कांग्रेस नेता भिष्मराज आङ्देम्बेको प्रमुख अतिथित्वमा भएको उक्त राहत वितरण कार्यक्रमका काँग्रेस नेता कोशी प्रदेशसभा सदस्य मैया श्रेष्ठ लावती, स्थानीय जनप्रतिनिधि लगायत सर्बसाधारणको उपस्थिति रहेको थियो ।

राहत वितरण कार्यक्रममा कांग्रेस नेता आङ्देम्बेले बिपन्नताले गाँजेको जहानसिंहको घर समेत निर्माण गरिदिने बताउनुभयो जनसेवा समाजको संयोजनमा हामी उहाँको घर पनि निर्माण गरिदिन्छौँ आङ्देम्बेले भने ‘उहाँको घरको अवस्था देखेर मन अमिलो भयो ।

जहानसिंह बृद्ध अवस्थाका व्यक्ति हुन्। उनकी श्रीमति शुसिला तुम्रोकको कम्मरमुनिको भाग चल्दैन। थला परेकी श्रीमतिलाई जहानसिंह हेरचाह गर्दै दिन कटाउँछन् । उनको परिवारमा अरु कोही छैन। २०६१ सालदेखि छोरो हराएर बेपत्ता भएको छ। जहानसिंहले भने घरमा हामी बुढाबुढी मात्र छौँ । श्रीमति थला परेको चार बर्ष पुग्यो ।

धिरेन्द्र तामाङ पनि आँखा देख्न सक्दैनन्। उनका दुई सन्तान छन्। बालबच्चाको हेरचाह र पढाईमा समस्या देखेपछि उक्त परिवारलाई राहत प्रदान गरिएको हो ।