तपाईं यो पोष्ट साझा गर्न सक्नुहुन्छ!

आगमनखबर संवाददाता

काठमाडौं। कतारमा जारी विश्वकपको सेमिफाइनल समीकरण पूरा भएको छ । विश्वकपको सर्वाधिक पाँच पटकको च्याम्पियन ब्राजिलदेखि चार पटकको च्याम्पियन जर्मनी इङ्गल्यान्ड र स्पेनको विश्वकप यात्रा बीचैमा सकिएको छ ।

चर्चित टोली विश्वकपबाट बाहिरिएसँगै अब साबिक विजेता फ्रान्स, साबिक उपविजेता क्रोएसिया, पूर्व विजेता अर्जेन्टिना र नयाँ टोली मोरोक्कोले सेमिफाइनलमा स्थान बनाएका छन् । सेमिफाइनलमा मंगलबार अर्जेन्टिना र क्रोएसिया तथा बुधबार मोरोक्को र साबिक विजेता फ्रान्सबीच प्रतिस्पर्धा हुनेछ । 

विश्वकपको इतिहासमै अफ्रिकी टोली पहिलो पटक सेमिफाइनलमा पुगेको हो । मोरोक्कोले विश्वकपमा अफ्रिकी देशबाटै पहिलो पटक सेमिफाइनलमा प्रतिनिधित्व गर्ने टोलीको नयाँ इतिहास रचेको छ । इतिहाससँगै मोरोक्को जारी विश्वकपमा एउटै गोल नखाई सेमिफाइनलमा पुग्ने टोलीसमेत बनेको छ।

कतार विश्वकपमा मोरोक्कोले समूह ‘एफ’ बाट प्रतिस्पर्धा गरेको थियो । मोरोक्कोले समूहको पहिलो खेलमा क्रोएसियासँग गोलरहित बराबरी खेलेको थियो । दोस्रो खेलमा विश्व नम्बर दुई वरीयताको बेल्जियमलाई २–० गोलले पन्छाएको मोरोक्कोले तेस्रो खेलमा क्यानडालाई २–१ गोलले हराएको थियो ।

तर, मोरोक्कोले क्यानडासँग खाएको गोल आत्मघाती थियो । समूह चरणमा तीन खेलबाट सात अङ्क बनाएको मोरोक्को समूह विजेता बन्दै नकआउट चरणमा पुगेको थियो । सन् १९८६ पछि मोरोक्को पहिलो पटक विश्वकप फुटबल प्रतियोगिताको नकआउट चरणमा पुगेको हो । 

विश्वकप अघि कसैलै नपत्याएको मोरोक्कोको यात्रा बिस्तारै उकालो लागेको छ । मोरोक्कोले नकआउट चरणमा पनि आफ्नो दमदार प्रदर्शन जारी राख्यो । मोरोक्कोले अन्तिम १६ मा पूर्व विजेता स्पेनलाई टाइब्रेकरमा ३–० गोलले स्तब्ध बनायो । त्यसपछि क्वार्टरफाइनलमा क्रिस्टियानो रोनाल्डो प्रेरित पोर्चुगललाई १–० गोलको हार चखाएपछि मोरोक्को विश्व फुटबलमा नयाँ शक्तिको रूपमा स्थापित भएको छ ।

सेमिफाइनलसम्म आइपुग्दा बलिया टोलीलाई हराउने र गोल नखाने मोरोक्कोको खेलले विश्व फुटबलमा नयाँ तरङ्ग पैदा भएको छ । त्यसैले बुधबार फ्रान्सले सेमिफाइनलमा भिड्दा मोरोक्कोको कडा चुनौतीको सामना गर्नुपर्ने देखिन्छ । एजेन्सी 

सम्बन्धित पोष्टहरू
पत्रपत्रिका

यूक्रेन युद्ध: सरदर ‘हरेक सेकेन्ड’ मा एक नाबालक शरणार्थी बन्दै

एजेन्सी ।यूक्रेनमा प्रति सेकेन्ड झन्डै एक बच्चा युद्धको कारण शरणार्थी बन्न थालेको संयुक्त राष्ट्र मानवीय संघसंगठनहरूले बुधबार जानकारी गराएका छन् ।  रूसी आक्रमण सुरु भएदेखि …

रानीमहल र श्रीनगरमा पनि बतास : स्वार्थ नमिल्दा पछि हट्यो

बतासले रेस्टुरेन्टलगायतका संरचना बजारनजिक र डाँडाको खाली भागमा बनाउन माग गरेको थियो पाल्पा । तानसेनको श्रीनगरडाँडा र रानीमहल क्षेत्र सञ्चालन तथा व्यवस्थापनबाट बतास समूह पछि …

प्रेसलाई अङ्कुश लगाउने ऐन खारेज गरिन्छ : अध्यक्ष दाहाल

चितवन। नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रेसलाई अङ्कुश लगाउने ऐन खारेज गरिने बताउनुभएको छ । प्रेस सेन्टर नेपालको चौथो राष्ट्रिय महाधिवेशनको …

प्रेस स्वतन्त्रता सेनानी झा पुरस्कृत

सप्तरी। सप्तरीको राजविराजमा आज आयोजित एक कार्यक्रममा प्रेस स्वतन्त्रता सेनानी वैद्यनाथ झालाई लक्ष्मी–मुक्ति स्मृति पत्रकारिता पुरस्कार प्रदान गरिएको छ । नेपाल पत्रकार महासङ्घ सप्तरीमा आयोजित …