मलेसियामा एक नेपालीलाई मृत्युदण्डको सजाय परिवर्तन गरी १२ बर्ष जेलसजाय कायम

आगमनखबर संवाददाता

मलेसिया । वैदेशिक रोजगारीका क्रममा मलेसियामा रहेका धनुषा जिल्लाको साविक गोविन्दपुर वडा नं २ का सुरज देव साह तेलीलाई मलेसियामा फौजदारी अभियोगमा मृत्युदण्डको सजाय परिवर्तन गरी बाह्र वर्ष जेलसजाय कायम गरेको छ ।

कर्तव्यज्यानको अभियोगमा सन् २०१६ डिसेम्बरमा पक्राउ परेका उनलाई उच्च अदालतले सन् २०२० अगष्टमा मलेसियाको फौजदारी संहिताको दफा ३०२ बमोजिम मृत्युदण्डको सजाय तोकेको थियो ।

सो फैसला र मृत्युदण्ड सजाय सम्बन्धमा गरिएको पुनरावेदनमा पुत्रजयास्थित सम्मानित पुनरावेदन अदालतले सन् २०२२ सेप्टेम्बर ८ विहीबारका दिन तेलीको कसूरलाई मलेसियन फौजदारी संहिताको दफा ३०२ बाट दफा ३०४ ( क ) मा परिवर्तन गरी बाह्र वर्ष जेलसजाय कायम गरेको नेपाली दुताबास मलेसियाले जनाएको छ ।

दुताबास मलेसियाले सोही बमोजिम तेली बाँकी सजाय सकिएपश्चात नेपाल फर्कनुहुने व्यहोरा समेत जानकारी दिएको छ ।

• Categories
• #देश–विदेश