गैरआवासीय नेपाली संघ मलेसियाद्वारा दरखाने कार्यक्रमको आयोजना

आगमनखबर संवाददाता

मलेसिया । गैर आवासीय नेपाली संघ राष्ट्रिय समन्वय परिषद् एनआरएनए मलेसियाले हिन्दु महिला दिदी बैनी हरुको महान पर्व हरितालिका तिजको अवसरमा यहीँ अगस्ट २० तारिख शनिबारको दिन सदाको बर्ष जस्तै यो बर्ष पनि दरखाने कार्यक्रमको आयोजना गरेको छ ।

गैर आवासीय नेपाली संघ एनआरएनए मलेसियाले संस्था स्थापनाकालदेखि नै यस् महान पर्व हरितालिका तिज कार्यक्रम गर्दै आएको भएपनि बिचमा (Covid-19) को कारण मनाउन सकिएको थिएन सोही कार्यक्रम यस् बर्ष भने मलेसिया रहनु भएको नेपाली दिदी बहिनी चेलीबेटीहरु माझ बसेर दर खाएर तिज मनाउने संघका अध्यक्ष विनोद थापाले बताउनुभयो ।

एनआरएनए मलेसियाको आफ्नै सभाहलमा आयोजना हुने सो कार्यक्रममा नेपाली तिजपर्व विशेष कल्चरल नृत्य नाचगानको साथै अन्य विभिन्न मनोरञ्जनात्मक कार्यक्रम हुने संघका महासचिव रन्जीत क्षेत्रीले जानकारी दिनुभयो ।

कार्यक्रममा मलेसियामा रहनु भएका सम्पूर्ण दिदी, बहिनी, दाजु, भाई, आमा बुवा समाजसेवी, बुद्धिजीवी, र ब्यावसाहिक लगायत सम्पुर्णमा उपस्थितको लागि गैर आवासीय नेपाली संघ एनआरएनए मलेसियाले निमन्त्रणा गरेको छ ।

• Categories
• #देश–विदेश