आज श्रावण १५ यस कारण खिर खाएर मनाइन्छ

आगमनखबर संवाददाता

काठमाडौं ।आज श्रावण १५ ( खिर खाने दिन ) खिर खाएर मनाइदैँछ । नेपाली समाजमा श्रावण १५ महत्त्वपूर्ण खिर खाने पर्वको रुपमा मनाउने गरिन्छ । 

असार १५ मा दही जिउरा, जनैपूणिमाको दिन क्वाँटि खाए जस्तै यस दिन खिर खाने चलन रहेको छ । घरघरमा चेलीबेटी बोलाएर खिर लगायतका मिष्ठान भोजनका साथै भलाकुसारी मनोरञ्जनात्मक क्रियाकलाप नाचगान गरि यो पर्व  मनाइन्छ । नेपाली समाजमा यसको बेग्लै बिशेषता त छदैछ तर यस परम्पराको बैज्ञानिक आधार पनि भएको बिश्वास गरिन्छ। 

नेपाल कृषि प्रदान मुलुक हो । असारमा घामपानी नभनी मानो लाएर मुरि उब्जाउने लक्ष्यले कृषकहरु कठिन परिश्रम गरेका हुन्छ्न । बर्षाको झरी , हिलो , धान रोपाइँको चटारो खेपेका कृषकहरु थकित शरीरको विश्राम गर्न यस दिन खिर जस्ता पौष्टिक आहार खाने एवम् मनोरञ्जन गर्ने परंरागत मान्यता रहेको छ ।

सनातन वैदिक संस्कृति अनुसार पुजाआजा,  जस्ता धार्मिक क्रियाकलाप र चाडपर्वहरुमा खिरलाई प्रसादका रुपमा लिने प्रचलन छ । प्रशस्त गोरस पाइने श्रावण महिनामा  शरीरको रोगव्याध हटाउन  तथा आउदो हिउँदे जाडो र वर्ष भरको थकान मेट्न  खिर खाने परम्परा रहेको हिन्दु धार्मिक गुरुहरु बताउछन् ।

• Categories
• #सम -सामयिक