वडा अध्यक्ष राईले गरे टोलटोलमा पुगेर सामाजिक सुरक्षा भत्ता वितरण

आगमनखबर संवाददाता

खोटाङ । खोटाङको खोटेहाङ गाउँपालिका वडा नं. ३ सावाकटहरेका वडा अध्यक्ष जेफर राईले टोलटोलमा पुगेर असारमा पाउने सामाजिक सुरक्षा भत्ता वितरण गर्नुभएको छ ।

सामाजिक सुरक्षा भत्ता लिने कतिपय नागरिक बैंकसम्म पुग्न समस्या भएका कारण वडाले टोलटोलमै पुगेर भत्ता वितरण गरेको वडाध्यक्ष जेफर राईले बताउनुभयो ।

नेपाल सरकारले सामाजिक सुरक्षा भत्ता बैंक मार्फत प्रदान गर्दै आईरहेको भए पनि पहाडी र हिमाली भूगोलमा बैंकसम्म पुगेर सामाजिक सुरक्षा भत्ता लिन समस्या भएको नागरिकहरुको गुनासो आएकोले नागरिकको गुनासोलाई मध्यनजर गर्दै वडाको टोलटोलमा पुगेर सामाजिक सुरक्षा भत्ता प्रदान गरिएको वडाध्यक्ष राईले बताउनुभयो ।

सामाजिक सुरक्षा भत्ता लिने नागरिकहरु प्राय अशक्त हुनुहुन्छ। उहाँहर बैंकसम्म आउनजान समस्या हुन्छ । त्यसैले उहाँहरुको समस्यालाई मध्यनजर गर्दै हामीले बैंकसंग सहकार्य गरेर टोलटोलमै पुगेर सामाजिक सुरक्षा भत्ता प्रदान गरेको राईले बताए ।

यस्तै टोलमा पनि आउन नसक्ने अशक्त नागरिकहरुलाई घर-घरमै पुगेर पनि सामाजिक सुरक्षा भत्ता प्रदान गरेको वडा अध्यक्ष जेफर राईले बताउनुभयो। राईले भन्नुभयो टोलमा पुगेर सामाजिक सुरक्षा भत्ता पाउने नागरिकहरुको हस्ताक्षर संकलन गर्ने र बैंकबाट रकम निकाले पश्चात पुनः टोलमै पुगेर भत्ता वितरण गरिएको राईको भनाइ छ ।

उक्त कार्यक्रम नागरिकको सहजताकालागि सुरु गरिएको यो कार्यलाई आफु वडाध्यक्ष रहुनजेल निरन्तरता दिने राईले प्रतिबद्धता जनाएका छन् ।

• Categories
• #सम -सामयिक